روآيه مصآفيق ٍف كوريآ

روآيه مصآفيق ٍف كوريآ


بسم الله الرحمن الرحيم
السلام عليكم ورحمه الله وباركاته
اليوم سوف اروي لكم روايه
عن اعز اصحااب جمعهم القدر
لكن من قسوه الدنيا سوف يتفرقون
ليس بي رضاهم
اليوم سوف اروي لكم روايه
عاشوها احلى اصحااب من
اضحك وبكى والعب
عااشو احلى ايامهم في مدرسه كوريا
وبقلمي انااا سوف اروي لكم ما ورد في قلبي
وفي عقلي وفي نسيج خياالي
ّّّّّّ~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~~~~~~~~~~~~~~~~~~~~~~~
الساعه السابعه صباحا فـي توقيت كوريا
في مسكن البنات
ميهاااف في المطبخ قاعده تسوي الفطور
ومنار نزلت السوق عشين تشتري عصيرات
اما راما حاطه السماعات في اذنها ومهي داريه عن العالم
رنا قاعده تصلي صلاه الفجر
لينا وشهد في سبعيننن نومه
ميهاف : راما يابنت تعالي ساعديني وربي تعبت
راما:...............................
ميهاف تصرخ :رامااااااااااااااااااااااااااااااااااا
راما ولا سامعه شيء
ميهااف : حسبي الله عليكي وربي انك حقيره اااااااااااااااا
رنا: خير خير من صباح تصرخي مالت ماخلتيني اخشع في صلاتي
ميهاف : اقول اسرري لا اتوطى في بطنك مو ناقصتك انا
رنا:لاا ولله تعاالي تعاالي وريني اشووف القووه وبعدين اشبك تصرخين ايش تبغي من رومي؟
ميهاف تقلد صوتها: ايش تبغي من رومي بلا في شكلك ياشيخها ابغاها تساعدني اماانه عليكي روحي ناديلي هيا
رنا:لا
ميهاف: رنوو حياتو
رنا: لا
ميهاف : تكفيين
رنا: ليش ماتروحي بـنفسك؟
ميهاف: هيا بلا هبل كيف اروح والكباتشينو والفطور مين ينتبهلو يلا
رنا: اهااا الحكايه فيها فطوور يااشيخه كان قلتي من اول
راماااا
وراحت تناديها
راما منسجمه مع الاغنيه Rihanna-Man Down
وقاعده تغنيها :برببم بررربم ميد داون اوه ماما ماما ماما ايجش شرب مند دوان
رنا شالت السماعات وهيا تضحك: وربي انك مو صاحيه الناس في الصبح تصلي تدعي ربها وانتي بررببم ههههه
راما : ه ه ه ه اقول رنا شايفه دا الباب
رنا بغباء طالعت :ايووا ايش فيلو
راما:امشي هناااك
رنا لساعها في غبائها: ليه امشي
راما حست انو مشيت على رنا: روحي عنندها بـسرعه
رنا بحسن نيه قامت وراحت عند الباب:طيب؟
راما كاتمه الضحكه : يلا حيبتي اقلبي وجهك منو وصكي الباب مني فايقه على ثقل دمك في الصباح
رنا:؟؟؟؟؟؟
راما تطالع فـيها وهيا سااكته:......
اشويه استوعبت الموضوع رنا: ياحيوااااااااااااااااااااااااااااااانه
وقامت رنا ترمي المخادات على راما وراما تجري
دخلت راما عند ميهاف : ميمي ميمي ميمي ساعديني
ميهاف: اخيررا شرفتي اقووول امسكي زبطي الفطور انا بسوي.. قطع كلامها رنا
رنا: فوكيني عليها امانه يا ميهااف فوكيني
ميهاف : طب في احد ماسكك ؟؟
رنا: هههههههههههههههه ام الاحرج طالعت في راما على العمووم ماشيتلك هيا اليووم مرره تانيه كف
ميهاف مو فاهمه شيء : اقول رنا انقلعي شوفي صحبتك دي رسلتها تجيب عصير ولحد الان مااجات
رنا: اووكي ماما هع هع
ميهاف طنشتها وطالعت في راما: وانتي بسرعه سوي هداك الشيء الي مو عاارفه اسمو بـس زي الوافل وسوي العيش الشامي بالبيض
راما : لا تعالي اصفقيني كف احسن
ميهااف : يااريت ولله لواقدر
راما : هيااا ولل...
ميهااف : لا لا لا خلاص يلا حبيبتي ياحياتي انتتي
راما : اووكي بـس اقعدي معايا ما احب اقعد لحالي في المطبخ
ميهاف: طيب بـس برووح اصحي الدلوخ دولا لينا وشهد
راما: وي لحد الان ما صحيو؟ روحي صحيهم ترى على فكره اتخرنا على المدرسه
ميهاف : طييب انا ايش كنت بسوي
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~
خلينا نروح في نفس كوريا بس في مكان تااني
بدر:يااخي اقلب وجهك الشهر الي فات مسويلك انا
عماد: بدوري انت عاارف انا قد ايش مشغوول
بدر: لا ياااشيخ احلف؟؟؟؟
عمااد: بدرررر
بدر: اقولك شي ترى خلوود من اول يدور شريك انقلع معاه
عماد: من جدك؟
بدر: لا من امي ايوا من جدي
عمااد: يلا اسري يا عديم الفايده راح اطلع فووق
بدر: استنى ياواد مااعرف طلباتكم
عماد طنشو وطلع فوق
ملاحظه : ترى بيت البنات وبيت الاولاد جنبو سووق
نرجع للروايه
بدر : الله يقلعك من صااحب
ايش اسووي دحين ولله يبغالي ادورلي اي مطعم اشتري منو فطور ايوا مافي حل غير كده
وطلع بدر من السوق وراح يدور مطعم
عند عمااد
كان واقف عند الاصنصير
وطالع جنبو لقي بنت شعرها تحت اذنها وخشمها شوي واقف
وفمها صغنون وبيضه بـس شيووي مليانه وفـي يدها اكيااس كتيرر
عماد بأدب: 실례합니다<<<المعذره
طالعت فـيه الـبنت:예<نعم
عماد:목적을 얻는에서 당신을 도움이 될 것입니다<<<<<سوف اساعدك في حمل الاغراض
البنت: 도움이 필요하지 않습니다 감사합니다<<<<شكرا لك لا احتاج المساعده
شوي انفتح الاصنير وطلعت رنا وشافت منار واتكلمت عرربي : بدري عليكي يا بت دووبك تجي فين كنتي
منار دخات الانصنير وراها عماد عاقد حواجبوا
منار: هههههه معليه اتاخرت بـس صراحه اشتريت العصيرات وشوفت الحلويات وكده وقلت خليني اشتري عشين الليل نسهر
عماد : انتي سعوديه
رنا بلقافه:لا حليب ابو قوس هههههه
عماد طالع فيها بنظرات خلت رنا تسكت
انفتح الاصنصير
منار: ايوا انا سعوديه هههه وانت قاعد تكلمني على بالك اني كوريه
عماد:ههههههه معلييه بـس اعرف انو دي العماره اغلبها كورين
منار: ههههه ايوووا
رنا: ايش الهرجه
عماد طنش رنا ومد يدو لي منار: اسمي عماد
ومنار من دون ما تمد يدها : اسمي مناار
انحرج عمااد وشال يدو: معليه اذا الحركه ... قاطعتو منار :
لا عااااتي ما ضايقتني ولا حااجه
رنا ما عجبها الوضع: يلا منور امشي البنات يستنوننا
منار : عن اذنك
عماد : اذنك معاك
مشيو رنا منار
رنا: مين دا ؟؟؟؟
منار : واحد كان يبى يساعدني يشيل الاغراض
رنا: اهاا وكان يحسبك كوريه
منار: يب
رنا: غريبه بـس شكلك بااين انك مو من كوريه
منار: طيب ييعني ايش اسوي اووف
رنا : استغفر الله ليش الاخلاق مقفله
وصلو على الشقه حقهم
طالعت رنا جنبها لقت عماد رنا: انت تسكن في دي الشقه
عمااد ماعجببو اسلوب رنا: ايش رايك يعني شايفتني داخل يعني شقت مين برأيك
رنا بلا مبالاه: مدري اشب النااس كل واحد اخلاقو زي وجهو الناس تصبح وو .....واختفى صوووتها وهيا تمشي جوت الشقه
منار: يلا انشاء الله نكون جيران كويسين
عماد: اكييد ولوو
منار: يلا بااي
عماد: بااي
من اول ما دخلت منار الشقه سمعت صراااخ لينا
لينا: ميييييييييييييييييييهاااف برا برا
ميييهاف: لينا قومي بلا غبااء ترى مرره تأخرنا على المدرسه قوومي
لينا: مال ام امك صلاااح
شهد قاامت : ترى راح اسبقك على الحمام
لينا : هيا ميهاف برا دخلت شهد الحمام
ميهاف بكذب: كييفك بـس لما يوفوتك حفله غوم جاان دي ذيك الساعه ازعلي
لينا نطت: امااانه ديك البنت عندها حفله
ميهاف: ايووا اشبك
لينا : فيه بوفيه ؟؟
ميهاف: ايوا
لينا: خلالاص قومت
وجريت جرررري دخلت الحمام
وشهد تمشي بشويش لانها دوبها صاحيه من النوم وصلت عند الحمام قاعده تحاول تفوك الباب مرت منار من جنب شهد: منار الباب ليه مقفوول
منار: عليكي سؤال غبي لينا دخلت
شهد بنعااس : اها خلاص ابروح انسدح
ميهاف : سدحو ابليسك يا شيخه خشي بـسرعه حمامي ولا تلمسي الكريمات الا ولله ما يصيرلك خير
شهد: طيب طيب
خلصو راما وميهاف ومنار على تجهيز الفطور وزبطو الطاوله
وكل شيء
وراح يلبسو لبس المدرسه
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~`
خليني اعرفكم على البنااات
ميهاف: عمرها 19 سنه حبووبه مرره وفرفوووشه وحساسه بـس مررره مزاجيه
اطول وحده في الشله لون بشرتها سمره وشعرها يوصل الين كتفها ونااعم ولونوا اسود عيونها سوده وصغير ورموشها شوي
كثيفه
راما:عمرها 19 سنه اقصر وحده في شله هيا الكوميديه بين الشله تضحك مررره لون بشرتها سمرره افتح من ميهااف بشوي
راسه دائري وشعرها الين نص ظهرها وكيرلي ولونوا اسوود عيونها سوده وخشمها مفطوس وفمها كبيررره
منار: عمرها 19 سنه بنت بريئه مررره لون بشرتها بيضه شعرها نااعم الين اذنها ولون شعرها اسود وعيونها مايله على بوني شوي خشمها شوي واقف فمها صغير شوي مليانه
رنا: عمرها 19 سنه مررره حبوبه وقلبها مررره ابيض وتصدق اي حاجه على طوول بس تحب تستهبل وهيا مرره دافوره
راسها مثلث عيونه عادي كل شيء فـيها عاادي بـس الي يجذب فيها شعرها الطويل المدرج يوصل تقريبا الين اخر ضهرها ومدرج ولون بشرتها بيضه
لينا: بنت تموت وتعشق المقالب دايما تسوي مقالب في صحباتها وهوايتها الوحيده الاكل يا حوبها لي الاكل هيا راعيه فزعاات واذا ماعجبها شيء وتبى تمشي على رائيها تمشي
عمرها 19 سنه مو نحيفه و دبه عاااديه شعرها فوق كتفها بشوي لونو اسود وجها بيضاوي يعيونها واسعه ورومشها مرره كثيفه خشمها فيلو كسره وفمها مو صغير ولا كبير عاادي ولون بشرتها سمره
شهد: عمرها 19 سنه بشرتها سمره افتح سمار فـي الشله وجسمها مليان وشعرها مررررررررره سايح زي الكورين
ملامحه لزيزه مرره بنت ماتزعل مررره بس تضحك وتحب تقلد الناس بطريقه مشيهم وكده وغصب عنك الي يشوفها يحبها
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~
عند الشباب
خالد: ولله الفطور مررره طعم
بدر: طبعا لازم تشكروني لو ماجبت الاكل من المطعم كان المطبخ في حاله لا يعلمها الا الله
انس:اقول كل يرحم امك وانت ساكت
بدر: انشاء الله
فاارس: ياشبااب ترى اتخرنا مرره على المدرسه كلو بسرعه عشين ما يقفلو البااب
محمد: لاتخاف ماراح يقفلو الباب مدرسه أولسان ماتقفل الباب الا 9 فا اهجد
خالد: ايوووا صح يا ذكي مو معلمتنا عندها اجازه
عماد: ايووووا صح عندنا اول حصه سباااحه عشين المعلمه بارك شي مو جايه
فارس: طب متى ياخي يجبو البديله
عماد : مدري
بدر: معليه يا اخوي بـس لي يعني قلتها بديله انثى ليه مو بديل مذكر
العياال:هههههههههههههه
عماد : شكلك حااط عينك عليها
فارس: تعرفوا انكم سخيفن
بدر: ههههه لا المهم افتحو هرجه يرحم امكم
عماد : اناااا عندددددددي
محمد: اديلو ايش عندك
عماد: شايفين الشقه الي جنبنا؟
الشباب: ايوا؟
عماد : فيها بنات سعوديات
انس: اما عااد؟
عماد: وربي الكعبه شوفتهم في الاصنصير وحكاهم القصه
خالد: وعلى بنتين مقوم الدينا
عماد : لا ما اظن لانو ديك الهبله<<قصدو على رنا
قالت البنات يستنونا
بدر: اووكي مدامهم جيران بعد المدرسه نزورهم
الشباب: اووكي
انس: يلا يلا على المدرسه قوموا
بدر: صبر مين ينظف؟؟
محمد : لما نرجع يلا
الشباب كلهم توجهو على المدرسه
~~~~~~~~~~~~~~~~~~~
تنعرف على ابطالنا الاولاد

بدر:عمرو 19 وما نقدر نقول انو وااو مرا حلو لا عادي بس لما يتشيك يطلع ولا قمر 14اسمراني و شعرو عادي قصير لون شعرو اسود و عيونو سوده
فاارس:عمرو 19 هاادي جددا و رومنسسي اسمر واحد في الشله دبدووب شويا هوا مو حلو بس فيلو حاجه تجذب

خالد: عمرو 19 طويل لون بشرتو بيضا و شعرو قصير و ما شاء الله فمو توت تحسي نفسك تبوسيه هع بس كل كلامو سب و هادي اعفن صفه فيه

عماد: عمرو 19 مصلحنجي درجه اولى دبدووب يلبس نضارات شكلو يبين انو دافور و هوا من جنبها بشرتو برونزيه

محمد: عمرو 19 رجاال بمعنى الكلمه تحسي برجولتو لما تقعدي معاه ما يرضى بالخطأ ابيضاني ووسيم

اخييرا انس: عمرو 19 مجنن البنات طييب مرا و على نياتو و يحب امو لدرجه الجنون اسمراني جسمو فيلو عضلات موكبيره مرا عاديه مملووح

في المدرسه

لينا:الله ياخدك يا ميهاف ايييش دا تقوليلي اتاخرنا على المدرسه و شوفي محد جا
ميهاف:اقول انطمي و احمدي ربك انو صحيتك>و كملو لينا و ميهاف مناقره مع بعض

راما سرحاااانه في عالم تااني
و رنا و منار يتوشوشو مدري ايش يقولو

شويا سكتو كلهم

و لينا نطت

لينا:بناااات ايش رايكم نسوي مصييبه

راما :قداااام
رنا:أأم مم إإ لالا ما ابغا اخاف يمسكونا

منار:اقول رنا انطمي و كلي خرا لالا ليش ما تبغي تاكلي خرا لا مو على كيفك إلا حتاكلي غصب عنك...الخ>>منار لما تعصب ما تسيب فرصه للي قدامها يتكلم
شهد:........... في ساابع نوومه
ميهاف : ساكته ما قالت شي

و في نفس الوقت الي البنات كانو يخططو فيلو كان في عين ترااقب لينا و لينا مو داريه

شويا نطو البنات كلهم و اولهم لينا قالت ها اتفقنا
البنات بصوت عالي :قدااام
شهد: بسم الله بسم الله ايش فيه>>كانت نايمه

لينا طالعت في شهد :شهد الله يخلف على ام جابتك امشي معانا و انتي ساكته


في نفس الوقت عند الاولاد

خالد:اقول شباب ووالي خلقني مو فاهم في الرياضيات شي الله يلعن المدرس الكلب ولد الـ... حيـ....الخ>>الباقي سب
محمد:والله محد قلت ماتنتبه مع المدرس

عماد:انا براصه ابغا ازبطلي واحد مو الكوريين دول يغششوني هع

فارس: انا فاهم و مو فاهم>>ايش تحس .؟

بدر :شبابب ايش رايكم نسرق اسئله الاختبار
الشباب كلهم تنحوووو

انس: لالا ما يسير نسرقها حرام

بدر: اقول اسكت حتجي معانا غصبن عنك

الشباب: والله فكره قدااام

محمد : يلا شباب نتحرك

عماد:يلا بشويش لا تطلعو صووت ولا بنروح وطي

بدر: امشو وراايا و بشوييش

راحو الشباب الغرفه

بدر :يلا شباب دورو في كل الادراج و حاولو قد ما تقدرو ما تطلعو صوت

عماد: اقول يا ابو العريف الادراج بأقفال

بدر: يووه ايش صح كيف نسيت
فارس:كنت عارف انكم اغبياء خدووو "و اداهم المفاتيح
خالد:وااه يا ابن الـ.. كيف جبتها

فارس:هع هع طرقي الخاصه

و قعدو يفتشو في الادراج


عند البنات

لينا"راس المصايب":يلا بنات من هنا بشوييش

راما: بناات اقلكم نكته

منار: ايوا ايوا قولي

ميهاف: بس انتي و هيا لا اديكم بالمداس على وجيهكم اسكتو تبونا ننفضح

شهد و هيا تتثاوب:ياربييه مو كان كملت نومتي احسن

رنا: يمه يمه انا خاايفه
لينا بصوت يخووف: اسكتو ولا من جد راح اديكم بالمدااس
البنات سكتوو


و مشو البنات بشوييش وجو بيدخلو الغرفه إلا شاافو..........................
شاافو الاولاد

و تنحووو

شويا رنا تششهق بصوت عاالي و التفتو الاولاد عليها رنا سارت تدق منار بقوه و تقلها:منور منور شوفي شوفي المزه الي في الاصنصير

منار مو مصددقه

و البنات الباقيين مو فاهمين شي

و الاولاد زي الاصنام ما اتحركو ولا حركه


شويا جو المدرسين و المدير "الكلام بالكوري بس انا راح اكتبو بالعربي"

المدرسين يطالعو يستنو تفسير

المدير: ماذا تفعلون هنا ..؟

كلهم سكتو

شويا لينا قالت : لقد كنت اريد سرقه اسئله اختبار الرياضيات و هؤلاء قامو بكشفي

البنات و الاولاد كلهم متنحين في لينا

المدير: تعالي معي

لينا : طيب
شويا ميهاف جات ورى لينا و كانت تقول:يا استاذ انا كنت اسرق معاها

و لينا تعطي ميهاف نضرات بمعنى اقلبي وجهك

و ميهاف ولا معبرتها

و سارت تمشي وراهم و تقول: انا معاها

في النهايه لينا ادتها رفزه خلتها تنقلع عند صحباتها

و راحت لينا مع المدير>>يا لبى ليلو بس على فكره الموقف دا حقيقي


البنات و الاولاد لسا في حاله صدمه من الي لينا سوتو

عماد : صراحه ما اتوقعتها حتسوي كدا

محمد : ولا انا الله يحميها

انس:واااي يا لهوي كنا حننكشف

خالد:البنت دي غريبه

فارس: من جد ما توقعتها

بدر:والله لولا ستر ربنا و لينا كنا رحنا فيها
اما البنات انصدمو بس كانو متوقعينها من لينا

يا ترى ايش حيسير مع لينا..؟

و مين العيون الي كانت تراقبها..؟

و ايش توقعاتكم مع الاولاد و البنات..؟

اول روايه اتمنى الاقي تشجيع ولو لقيت راح اكملها